Mizo SDA Church
  • Home
  • About
    • About
    • Ministries
    • Prayer Request
    • Contact
  • Bulletin
  • Media
    • Live Stream
    • Photos
    • Downloads
  • News/Events
  • Sermons
  • Blog
  • Online Giving
  • Home
  • About
    • About
    • Ministries
    • Prayer Request
    • Contact
  • Bulletin
  • Media
    • Live Stream
    • Photos
    • Downloads
  • News/Events
  • Sermons
  • Blog
  • Online Giving
Search

ACID HMANGA BEIH TÂWK

11/23/2019

0 Comments

 
Picture
BANZA Mwela chu Democratic Republic of Congo rama Sunday serhtu kohhrana pastor a ni a, Seventh-day Adventist kohhrana awm tûra baptisma a chan ni chuan a nupui leh fapa chuan thinrim taka acid an theh chiam ṭum chuan a thi teuh ngêi mai.
Mahse Banza hmêl chu acid kan chhiat avângin a ser nasa ta hlê a, tûnah hian la dam vê hrâm hrâmin, Adventist lay pastorah a ṭang a, a thusawi chuan mipui a hîp nasa thei hlê a ni.
Banza chuan, “Seventh-day Adventist kohhran chhûngkuaa ka lo awm vê theih avâng hian LALPA chu ka fak a, ramhuai chu hnehin a awm ta a ni,” tiin hlim takin a sawi ṭhîn.

Kum 2013 October thlâ khân an ram chhim-chhak lama Likasi khawpuia beipui thlâknaah Banza chu a inkhâwm vê ṭhîn a. Adventist thurinte hi tuipuiin, hriat belh zêl a châk a, tichuan chuta Philip Lemon University-a pastoral training an neihnah chuan a tel vê ta a ni.
Baptisma a chan nî chuan, Banza chu inah a hâwng a, Isuâ thiltihtheihzia târlang thei hlâte chu hlim takin a sâ a. Ina a’n luh chiah chuan a fapa puitling tawh chuan rawn hmachhawn nghâlin, sulfaric acid chu a hmâiah leh taksâ vêlah chuan a leih ta chiâm mai a. Chû chuan a kâng sa huâi huâi a, khaw hmu thei lo mangangin a âu va, ṭanpui ngâi takin chhuâtah chuan a let ta reng mai a ni.
Banza hian an kohhran a chhuahsan vângin a nupui leh fapate hi a chungah an thinrim a, chuvâng chuan amah lo beih a, a thih nghâl mai kha an beisei hial zâwk a ni tih East Congo Union Mission president, Robert S. Muhune chuan a sawi.
“Mahse, vânneih thlâk takin thil mak a thleng a. Thih zawng a thi ta êm lo!” Banza mangang âu chu ṭhenawm vêla mîten lo hriain, rang takin damdâwi in an panpui nghâl a. A dam chhuak zo ang em tih doctor-te pawhin an hre mai bîk lo. A mit a chhiat bâkah, a taksa pum pui chu acid chuan a kâng nasa hlê a ni.
Chawlhkâr eng emawti chhûng chu uluk taka enkawl zui a ni a, skin grafts leh plastic surgery-te tihsak a ni a, chutiang chuan tûn thleng hian tihsak a la ni zui ta zêl a. Khawvêl huap Adventist ûnaute chuan amah zaina sênso sâng takte an tumsak a.
Khatiang an tih hnû, Banza mangang na tuâra a awm lai khân, a nupui leh fapa chu an tlân bo daih a. Ani hi chuan kohhran inkhâwmna leh camp meeting vêlah a testimoni ngaihnawm tak phûr takin a sawi ṭhîn a. A Bible châng ngainat tak chu, Isaia 43:1-3 niin, a testimoni a sawi dâwn hian chhiar chîk takah a nei a.
Chû chu hei hi a ni: “Tûnah erawh chuan, aw Jakob-hote u, LALPA nangmahni Siamtu leh âw Israel-hote u, nangmahni dintu chuan heti hian a ti: “Hlâu suh u, ka tlan tawh che u hi; in hmingah ka ko che u a, ka tâ in ni a sîn. Tuite in dâi kâi lai pawhin kei in hnênah ka awm ang a; luite in dâi kâi lai pawhin a chîm pil lo vang che u; meia in kal tlang lai pawhin in kâng lo vang a; meialhin a tialh hek lo vang che u. Kei hi LALPA in Pathian, Israel-ho Mi Thianghlim, nangmahni chhandamtu ka ni sî a; nangmahni tlanna atân Aigupta ram ka pê a, Ethiopia leh Seba ramte chu nangmahni âiah ka pê,” tiin.

Ziaktu: Andrew McChesney, Adventist Mission
0 Comments



Leave a Reply.

    Categories

    All
    Fuihna
    Ram Pawn Chanchin
    Rawngbawlna
    Tawngtaina
    Thawnthu
    Thilmak
    Thurin
    Thuziak

    Archives

    November 2019
    October 2019
    September 2019
    August 2019
    March 2019
    January 2019

    RSS Feed

Address

4515 Sandy Spring Rd,
​
Burtonsville, MD 20866

Service Times

PRAYER MEETING
Wednesday 8 pm

VESPER MEETING
Friday 8 pm

SATURDAY MEETINGS
Sabbath School: 9:30 am
Divine Service: 11:15 am
Youth Program: 2:30 pm

Contact Us

    Subscribe Today!

Submit
Copyright © 2021 Mizo SDA Church
  • Home
  • About
    • About
    • Ministries
    • Prayer Request
    • Contact
  • Bulletin
  • Media
    • Live Stream
    • Photos
    • Downloads
  • News/Events
  • Sermons
  • Blog
  • Online Giving