|
Beiseina Nung Online Crusade Oct 2 - 25, 2020 Zan dar 8-ah Friday, Saturday & Sunday zan apianga neih tur a ni ang. Speaker tur hi Pastor Tawkthanga, President of Mizo Conference of SDA Church, Mizoram a ni ang a, khawvel hmun hrang hranga kan mizo zaithiam tak takten fakna an rawn nei bawk ang. A hnuaia video-te hi lo thlir la, he crusade nang leh i chhungte tan entianga pawimawh nge a nih tih i lo ngaihtuah dawn nia. 
0 Comments
Khawvel pum huapa Adventist thalaite chet chhuah rawngbawlna ni atana kan lo hman ṭhin Global Youth Day (GYD) chu April 18-ah kan kohhran thalaite pawhin hemi ni hian nasa taka rawngbawlna neih ve an duh a. Hemi ni atan hian Mizoram lam atanga zaithiam leh hla phuah thiam, Tv Kimkima (Hmangaihdawngkima) chu special guest ni turin sawm a ni a. Ani hian Mizo Cultural and Spiritual Awareness lam promote-na a rawn nei dawn a ni. A bik takin Mizo-American thalaite tan a rawn promote dawn a ni. Tin, hemi niah hian rawngbawlna peng hrang hrang, thisen pek, dam lo kan leh chinchintha bu semna te nei turin an inbuatsaih a. Zan lamah zaithiam Kimkima leh kan kohhran zaithiam dangte nen gospel concert buatsaih a ni bawk ang. He Global Youth Day-a rawn kal turin mitin sawm kan ni e. Program dang dangte leh eiin te pawh buatsaih a ni bawk ang.   Tv Laldinpuia Ralte leh Nl Lalnunmawii Pachuau te chuan Pathian leh A kohhran mipuite hmaah nupaa insiam turin "tiam tlat e" an ti dawn a. Kohhran member zawng zawngte sawm kan ni e.
Tv Laldinpuia Ralte hi kohhrana mi tangkai tak a nih bakah music leh zai hruaitu tha tak a ni a. Ama zarah kohhran pawhin zai rawngbawlna lamah hma kan sawn hle a ni. Tin, Nl Lalnunmawii Pachuau pawh hi member that tak a ni a, Sabbath School leh AY leader (OB member) a ni a. Pathian tana rawngbawlnaah theihtawp chhuah thin mi a ni bawk. Hetianga kan member duhawm tak ten inneihna an buatsaih thei hi kan kohhran pawhin a lawmpui em em a, nupa duhawm tak leh Pathian malsawmna dawng a, fanau maltluan chawi dun thei ngei turin duhsakna sang ber kan hlan a ni. A Hun: 4pm to 7pm, Nov 10, 2019 (Ceremony & Reception Programs) A Hmun: Remnant Seventh-day Adventist Church, 15121 McKnew Rd, Burtonsville, MD 20866 8Kan kohhran member-te, Tv Lalrinhlua Chhakchhuak leh Nl Laldinpuii Khawlhring te chuan kohhran dan thianghlimin an damchhunga nupa ni turin inneihna leh thutiam inhlanna chu Pathian leh A kohhran mipui te hmaah an nei dawn a. Tv Lalrinhlua hi Mizo SDA kohhrana thalai Youth Leader a ni a, tin, Nl Laldinpuii hi Church Assistant Clerk a ni. An pahnih hian kohhrana nula leh tlangval fel tak an ni a, Pathian malsawmna ropui tak dawngin an pahnih hian zaithiam tak an ni ve ve bawk. An awrawl te leh an theihna zawng zawng te nen thahnemngai takin Pathian leh A kohhran tan an inhmang thin a, hetianga Pathian leh mipuite hriatpuina ngeia thu intiamna leh inneihna thianghlim tak an neih theih dawn a vang hian a ropui hle a ni. He inneihna thianghlim hi Pathian hriatpui lo ni se la, chhungkaw duhawm tak lo dinin fanau maltluan chawia mite tana malsawmna pawh lo ni turin Pathianin malsawm mawlh rawh se. Amen. He inneihnaah hi rawn lawmpuia lo kal turin mitinte sawm kan ni. A Ni: Sunday, April 14, 2019 A Hun: 4 - 8 pm A Hmun: Reaching Hearts SDA Church, 6100 Brooklyn Bridge Rd, Laurel, MD 20707
|
RSS Feed
|
Address
4515 Sandy Spring Rd,
Burtonsville, MD 20866 |
Service Times
PRAYER MEETING Wednesday 8 pm VESPER MEETING Friday 8 pm SATURDAY MEETINGS Sabbath School: 10:00 am Divine Service: 11:15 am Youth Program: 2:15 pm |
Subscribe our Newsletter
|
Connect With Us
|
Copyright © 2019 Mizo Seventh-day Adventist Church, Burtonsville, Maryland, USA 20866